Dominika 11 Tau noa B

DOMINIKA 11 - TAU NOA - B

A taio tatou i te puta a Ezekiela Peropheta                                                                                 17, 22-24
1722.Teie te parau a te Fatu, te Atua : e e rave au i te puo o te arezi teitei, e na’u e tuu : e tâpu au no nia mai i te auru o tona mau amaa i te hoe amaa maru, a tanu atu ai i nia i te hoe moua teitei hau è. 23.I nia i te moua teitei o Iseraela e tanu ai au i te reira ; e tupu te amaa, e e hotu mai i te maâ ; e e riro ei arezi rahi, e e parahi i raro iana te mau manu atoa, e e ofaa ïa i raro ae i te maru o tona mau amaa te mau huru manu atoa ra. 24.E e ite te mau raau atoa o te reira fenua e, na’u, na te Fatu i faahaehaa i te arezi teitei ; e na’u i faateitei i te raau haehaa ; na’u i haamarô i te raau ota, e na’u i faaruperupe i te raau marô. Na’u, na te Fatu i parau, e na’u i rave.

  (No te faaite e, ua hope te taioraa, e parau te taata taio : O te Parau ïa a te Atua.)

SALAMO                                                                                                                91 (92), 2-3, 13-14, 15-16
2.E mea tia te haamaitai i te Fatu,
e te himene i to oe na io’a, e tei Teitei e,
3.te faaite i to hamani maitai i te poipoi,
e te paru mau na oe i te rui ra.

13.E ruperupe te taata parautia mai te tamara ra,
e tupu oia mai te arezi i Libano ra.
14.O tei tanu hia i roto i te fare o te Fatu ra,
e ruperupe ïa i roto i te aumoâ o te fare o to tatou Atua.

15.E hotu â ïa i te paariraa ra,
e vai noa tona huru api e te hotu rahi
16.ei faaite e : e parautia ta te Fatu, oia ta’u haapuraa,
e aore roa e parautia ore i roto iana ra.

A taio tatou i te epitore piti a Paulo Peata i to Korinetia                                                            5, 6-10
E au mau taeae e, 56.i itoito tuutuu ore ai au. Ua ite au e, i to tatou nei parahiraa i roto i teie tino, tei te atea ’ē ïa tatou i te Fatu ra. 7.Te haere nei hoi tatou ma te faaroo, e ere rā ma te ite mata. 8.Te itoito nei au, ’e e mea au a’e na’u e faarue i teie nei tino, a parahi atu ai i pihai iho i te Fatu. 9.Teie rā tō’u hinaaro - tei roto vau i ta’u tino, te reira ïa, ’e tei rapae, tei reira ïa - ia mauruuru rā te Fatu ia’u. 10.Ia tae paatoa hoi tatou i mua i te haavaraa a te Kirito e ti’a ai, ia faaitehia to tatou huru, ’e ia faautuahia mai tatou i te utua e au i te mau mea i ravehia e tatou a parahi noa ai tatou i roto i teie nei tino, te maitai ’e te ino.

  (No te faaite e, ua hope te taioraa, e parau te taata taio : O te Parau ïa a te Atua.)

Alleluia. Alleluia. Ua haere mai ra te taata ueue huero i rapae no te ueue i te Parau Api. E ao to tei faarii ma te faahotu i te reira. Alleluia.

† A taio tatou i te Evanelia a Mareko Peata                                                                               4, 26-34
Ma te parau parapole ua na’o a’era Iesu i te naho’a rahi taata :426.[Ua parau atura oia :] « E au te Basileia o te Atua i te hoe taata i ueue i te huero i raro i te repo. 27.Ia taoto oia ’e ia ara, i te pō ’e te ao, e oteo mai te huero, ’e e tupu mai, eita e taa iana e mea nafea te tupuraa. 28.Na te repo iho hoi e faatupu noa i te raau rii na mua, ’e i muri mai, i te maa sitona, ’e i muri roa, te māa paari ra. 29.’E, paari anae te sitona, e ootihia ïa, ua tae hoi i te tau ootiraa ra ». 30.Ua parau atura oia : « E faaau tatou i te Basileia o te Atua i te aha ? ’E e aha te parabole ta tatou e rave ei faahohoaraa ? 31.E au i te hoe huero sinapi. Ia tuuhia i raro i te repo, o te iti roa ïa i te mau huero atoa i te ao nei. 32.Ia oti rā taua huero i te tanuhia ra, e tupu ïa, ’e e rahi roa a’e i te mau raau māa tupu atoa ; toro atura tōna mau amaa, ’e ti’a atura i te mau manu o te reva i te ofaa i raro a’e i tōna maru. » 33.E haapii oia ia ratou na roto i te parabole e rave rahi, mai te reira te huru, ia au i tei ti’a ia ratou ia faaroo. 34.’E e ore oia e haapii ia ratou, maori ra na roto i te parabole. Ia ataa mai rā oia ’e tana mau pipi anae ra, e tatara oia ia ratou i te mau parau atoa ra.