Dominika 19 Tau noa B

DOMINIKA 19 - TAU NOA - B

A taio tatou i te puta toru no te mau Arii                                                                                    19, 4-8
Ua horo te peropheta Elia i mua i te enemiraa a te arii vahine Jerabela, 194.haere atura oia na te medebara, e hoe aera mahana i te haereraa. E te i te taeraa oia i te hoe raau iunipero, parahi ihora oia i reira ma te ani atu ia pohe roa oia, naô aera oia : Atira vau, e te Fatu e, a rave oe i ta’u ora ; aita vau i hau i te maitai i to’u mau metua ra. 5.Ua tarava ihora oia i raro, e ua varea i te taoto i te maru o te iunipero ; e ihana, e merahi a te Fatu tei rave iana, ma te parau iana : A tia, e a amu. 6.Ua hio ihora oia, e inaha, te vai ra i pihaiiho i tona pae upoo te maa pane i tunu hia i raro i te rehu auahi, e te farii pape hoi ; ua amu aera oia e ua inu e ua taoto faahou. 7.Ua hoi faahou mai te merahi a te Fatu, o te piti ïa, ma te rave iana, e te parau iana e : A tia, e a amu, no te mea e êâ maoro hoi to oe e toe nei. 8.Ua tia aera oia i nia, ua amu e ua inu, e no tona itoito i te reira maâ, haere atura oia e maha ahuru mahana, e e maha ahuru hoi rui, e tae noa’tura i te moua o te Atua ra o Horeba.

  (No te faaite e, ua hope te taioraa, e parau te taata taio : O te Parau ïa a te Atua.)

SALAMO                                                                                                         33, 2-3, 4-5, 6-7, 8-9
2.E haamaitai â vau i te Fatu i te mau tau atoa,
e vai tuutuu-ore â te arueraa iana i roto i to’u nei vaha ;
3.e arue atu to’u varua iana iho i roto i te Fatu,
ia faaroo mai te feia haehaa, e ia oâoâ !

4.E faateitei outou i te Fatu e o vau atoa,
tatou atoa i te faateiteiraa’tu i tona ra i’oa.
5.Ua imi au i te Fatu, e ua pahono maira oia,
e ua faaora oia ia’u i to’u atoa nei mau riariaraa.

6.E anaana atoa mai te taata i hio tia’tu i te Fatu ;
e aore hoi e haama i nia i tona ra mata.
7.Ua pii hua’tura te hoe taata veve ra, e ua faaroo mai te Fatu,
e ua faaora oia i tona’toa ra mau ahoahoraa.

8.Ua puhapa mai te melahi a te Fatu
e ati noa a’e tona feia haapao maitai atoa nona ra, e e haamatara oia ia ratou.
9.A tamata na, e ia ite i te outou mai te aha te maitai o te Fatu,
e ao to te taata i tiaturi iana ra.

A taio tatou i te epitore a Paulo Peata i to Ephesia                                                                     4, 30 - 5, 2
E au mau taeae e, 430.eiaha outou e faaoto i te Varua Mo’a o te Atua, o tei tapao ia outou i tāna titiro no te mahana e faaorahia ai outou. 31.Ia haapae-roa-hia te inoino, te iria, te riri, te ’aue rahi, te faaino ’e te mau huru atoa o te tāiroiro. 32.E hamani maitai outou ia outou iho, ei aau aroha to outou. A faaore outou i te hara, te tahi i ta te tahi, mai te Atua i faaore i ta outou hara na roto i te Kirito ra. 51.Ei pee outou i te Atua mai te tamarii here te huru. 2.E parahi outou i roto i te here mai te Kirito, o tei here mai ia tatou, ’e ua pūpū iana iho i te Atua no tatou ei tapena ’e ei tutia hau’a noanoa.

  (No te faaite e, ua hope te taioraa, e parau te taata taio : O te Parau ïa a te Atua.)

Alleluia. Alleluia. O te pāne rā e pou mai mai te ra’i mai, e Iesu e. O te amu i taua pāne ra, e ora ïa e a muri noa atu. Alleluia.

† A taio tatou i te Evanelia a Ioane Peata                                                                                   6, 41-51
641.Ua ohumu ihora te Ati-Iuda iana, oia i parau mai e, o vau  te pāne e pou mai mai te ra’i mai. 42.Na ō a’era : « E ere anei teie ia Iesu, te tamaiti a Iosepha ? E ere anei ua ite tatou i tōna metua tane ’e tōna metua vahine ? E aha ihora e ti’a ai iana ia parau mai, i teienei e : ua pou mai au mai te ra’i mai ? » 43.Ua pahono maira Iesu, na ō maira : « Eiaha na outou e ohumu noa i roto ia outou iho : 44.aore taata e ti’a ia haere mai ia’u nei, maori ra ia umehia mai oia e ta’u Metua, ’e na’u oia e faatiafaahou, ia tae i te mahana hopea ra. 45.Ua papaihia i roto i te mau peropheta : e hope ratou i te haapiihia e te Atua. O tei faaroo i te parau a te Metua ’e ua faarii i tāna haapiiraa, e haere mai ïa ia’u. 46.Aore taata i ite i te Metua, maori rā oia tei haere mai no ō mai i te Metua. O oia tei ite i te Metua. 47.Amene, amene, te parau atu nei au ia outou : o te faaroo ra, ua noaa iana te ora mure ore. 48.O vau te pāne o te ora. 49.I amu na to outou hui metua i te māna i te medebara ra, ’e ua pohe atura. 50.O te pāne rā e pou mai mai te ra’i mai, e ore ïa te amu i te reira e pohe noa a’e. 51.O vau te pāne ora e pou mai mai te ra’i mai. O te amu i taua pāne ra, e ora ïa e a muri noa atu. ’E te pāne tā’u e horoa, o tō’u ïa tino, o te horoahia ia noaa te ora i to te ao nei.