Dominika 5 Pakate B

DOMINIKA 5 no PAKATE - B

A taio tatou i te Ohipa a te mau Apotoro                                                                                     9, 26-31
I muri mai i to’na haa-fariuraa-hia, 926.’e, tae atura Saulo i Ierusalema, ua tamata atura oia i te taati atu i te mau pipi. Ua mata’u rā ratou atoa iana, aita hoi ratou i tiaturi e, ua riro oia ei pipi. 27.Ua rave a’era rā Baranaba iana, ’e ua aratai atura i te mau apotoro, ’e ua faatia atura ia ratou e, ua ite Saulo i te Fatu i nia i te aratia ra, ’e ua parau maira te Fatu iana, ’e ua a’o haere atura oia i te i’oa o te Fatu na Damaseko ma te itoito rahi. 28.Mai reira mai ā, ua amui atura oia i te mau apotoro i Ierusalema, i te haereraa atu i rapae ’e i te hoiraa mai i roto. E ua paraparau atura oia i te i’oa o te Fatu ma te itoito. 29.E paraparau oia ’e te mau heleni, ’e e mārō oia ’e ratou atoa. Ua imi atura rā ratou i te ravea e haapohe iana. 30.E faaroo a’era te mau taeae i taua opuaraa ino ra, ua aratai atura ratou iana i Kaisarea, ’e tono atura i Tareso. 31.Tei roto te Etaretia i te hau e ati noa a’e Iudea, Galilea ’e Samaria, te faatiahia ra oia, te haere ra oia i tōna haerea ma te mata’u i te Atua ’e, na roto i te parururaa a te Varua-Maitai, te rahi noa atu ra oia.

  (No te faaite e, ua hope te taioraa, e parau te taata taio : O te Parau ïa a te Atua.)

SALAMO                                                                                                         Surpris22 (1)!, 26-27ab, 28-29, 31-32
26.O oe ta’u e haamaitai i roto i te amuiraa rahi ra,
e e rave au i ta’u i euhe ra i mua i te aro o te feia e mataû iana ra.
27a.E amu te feia veve, e e paia roa ratou.
27b.E haamaitai i te Fatu ratou atoa o tei imi mai iana.

28.E haamanao te ao atoa nei, e e hoi faahou mai i te Fatu ;
e e hope te mau fetii atoa o te mau nunaa i te tahopu i mua i tona aro.
29.Ei te Fatu te ariiraa !
O Oia hoi te Fatu no te mau nunaa !

31.E e ora ïa to’u varua nona ra ; e e tavini to’u nei hui-taata iana.
32.E faaite hia te Fatu i te mau u’i e a muri noa’tu,
e  tana ra parautia i te mau nunaa e fanau a muri ae.
Mai teie hoi te ohipa a te Fatu.

A taio tatou i te epitore matamua a Ioane                                                                                    3, 18-24
318.E au mau tamarii rii e, eiaha to tatou te here vaha ’e te here arero, ei here rave rā to tatou ’e ei here parau mau. 19.O te reira ïa te mea e ite ai tatou e, no te parau mau tatou, ’e e mahoru ïa to tatou mafatu i mua i te Atua. 20.Ia faahapa mai rā to tatou mafatu ia tatou, e rahi a’e te Atua i to tatou mafatu, ’e ua ite oia i te mau mea atoa. 21.E au mau here e, ia ore to tatou mafatu e faahapa mai ia tatou, e tiaturi rahi ïa to tatou i mua i te Atua. 22.E te mau mea atoa ta tatou e ani iana ra, e noaa mai ïa, no te mea te haapao nei tatou i tāna mau faaueraa ’e te rave nei i te mau mea atoa e mauruuru ai oia ra. 23.’E teie hoi tāna faaueraa : e faaroo i te i’oa o tāna Tamaiti o Iesu-Kirito ’e e here tatou tatou iho, mai tāna i faaue mai ra. 24.O te haapao i tāna mau faaueraa ra, e parahi ïa i roto i te Atua, ’e e parahi mai te Atua i roto iana. ’E teie te mea e ite ai tatou e, te parahi nei oia i roto ia tatou : o te Varua-Maitai ïa tāna i horoa mai ia tatou nei.

  (No te faaite e, ua hope te taioraa, e parau te taata taio : O te Parau ïa a te Atua.)

Alleluia. Alleluia. E ao to  tei fatumu i tona ora i roto i te Fatu : e au oia i te tumu ra’au tei tanuhia i te hiti anavai, o te horo’a mai i te hotu i te tau au ra. Alleluia.

† A taio tatou i te Evanelia a Ioane Peata                                                                                   15, 1-8
I te hora a haere atu ai Iesu mai i teie nei a’o i tona ra Metua, ua parau atura oia i taua mau pipi : 151.« O vau te tumu vine mau, ’e o ta’u Metua te faaapu. 2.Te mau amaa hotu ore atoa i roto ia’u, nana ïa e tāpū ’ē atu, ’e te mau amaa hotu atoa ra, nana ïa e tope, ia rahi atu ā te hotu. 3.Ua mā a’enei outou no te parau tā’u i parau atu ia outou. 4.A parahi mai i roto ia’u, mai ia’u e parahi nei i roto ia outou. Mai te amaa e ore e hotu noa, oia anae ra, ia ore oia ia vai noa i nia i te tumu vine, oia atoa outou, ia ore outou ia parahi mai i roto ia’u. 5.O vau te tumu vine, o outou te mau amaa. O te parahi mai i roto ia’u, ’e o vau hoi i roto iana, o oia te hotu rahi ; no te mea ia taa ’ē outou ia’u ra, aore roa ïa e mea e oti ia outou. 6.Ia ore te hoe taata e parahi mai i roto ia’u, e hurihia oia i rapae, mai te amaa ra, ’e e marō atu. ’E e haaputuhia te mau amaa marō, ’e e hurihia i roto i te auahi, a ’ama atu ai. 7.Ia parahi mai outou i roto ia’u, ’e ia parahi atoa tā’u parau i roto ia outou, e ani outou i te mea e hinaarohia e outou, ’e e horoahia ïa ia outou. 8.O te mea teie e faahanahanahia ai ta’u Metua : ia rahi to outou hotu, ’e ia riro outou ei pipi na’u. »