Te Mafatu Mo'a no Iesu B

TE MAFATU MO’A NO IESU - B

Oro’a hanahana

A taio tatou i te puta a Osee Peropheta                                                                            11, 1.3-4.8c-9
Te parau a te Atua.111.Mai te poipoi e pee oioi nei, ua reva ïa te arii o Iseraela. I te vai tamarii noa raa o Iseraela, ua here au iana ; e ua tii au i ta’u tamaiti no Aiphiti mai. 3.Ua riro au mai te metua faaamu no Epheraima ; ua afai au ia ratou i ta’u rima, e aore ratou i ite e, te haapao ra vau ia ratou ra. 4.Ua ume mai au ia ratou i te taura o te taata, e i te tapea o te here ; e ua riro au mai te taata tei iriti i te zugo no nia mai i to ratou paparia, e ua fariu au iana ei faaamu. No te mea e, aita ratou i faarii i te hoi mai ia’u nei : e faa’utu’a anei au ia ratou ? 8c.Ua huru è to’u mafatu i roto ia’u nei, ua huru tupu to’u tatarahapa. 9.E ore au e faatupu i te uana o ta’u riri, e ore au e rave e haamou roa ia Epheraima ; no te mea e Atua vau, e ere i te taata ; o vau tei Moâ i ropu ia oe, e ore au e tae i roto i te oire.

  (No te faaite e, ua hope te taioraa, e parau te taata taio : O te Parau ïa a te Atua.)

HIMENE                                                                                                     Is 12, 2, 4bcd.5a, 5bc-6
2.Inaha o te Atua o to’u Faaora ïa,
e tiaturi au, e e ore au e mataû :
o to’u hoi ïa puai, e to’u ïa arueraa, o te Fatu ïa ;
e ua riro mai oia ei ora no’u.

4b.A haamaitai outou i te Fatu,
4c.a tiaoro atu i tona ra ioa :
4d.a faaite i te taata i tana mau ravea puai.
5a.A himene outou i te Fatu.

5b.I te mau ravea hau ae nana ra :
5c.e a faaite haere i te reira i te fenua’toa ra.
6.A umere ma te oâoâ, e a arue, e te utuafare o Siona ra e :
te rahi ra hoi tei Moâ i Iseraela nei i rotopu ia oa na.

A taio tatou i te epitore a Paulo Peata i to Ephesia                                                         3, 8-12.14-19
E au mau taeae e, 38.ua horoahia mai ia’u nei, o vau te iti roa o te feia mo’a, teie karatia : na’u e faaite haere i te etene i te mau taoa varua a te Kirito, o te ore hope ia imi ra, 9.’e na’u e haamaramarama i te taata atoa i nia i te huru o te faaiteraahia mai o te parau ’aro i hunahia, mai te matamua mai ā, i roto i te Atua, te tumu poiete o te ao atoa nei, 10.ia ite te hui arii ’e te hui mana i nia i te ra’i ra i te paari ravea huru rau o te Atua, na roto i te Etaretia nei, 11.mai te au i te opuaraa etereno tāna i faatupu na roto i to tatou Fatu ia Iesu-Kirito. 12.Nona tatou e ore ai e taiā i te haere i te Atua ra, ma te tiaturi, na nia i te ea o te faaroo. 14.No reira vau i tuu ai i ta’u turi i raro i mua i te aro o te Metua. 15.Nona te i’oa i mairihia i te mau fetii atoa, to te ra’i ’e to te fenua atoa nei. 16.Ia ti’a iana, no te rahi o tōna hanahana, ia horoa mai ia outou i te mana, na roto i tōna Varua, ia faaitoitohia i roto ia outou te taata roto ra. 17.Ia haaparahi oia i te Kirito i roto i to outou mafatu na roto i te faaroo. ’E ia a’ahia outou i roto i te aroha, ’e ia faatumuhia outou i nia i te aroha, 18.ia ti’a ia outou ia haroaroa, ’e te feia mo’a atoa ra, i te aano, ’e te maoro, ’e te teitei, ’e te hohonu... 19.’e ia ite outou i te here o te Kirito, o te hau atu i te mau ite atoa ra, ia faaīhia outou i te ī o te Atua.

  (No te faaite e, ua hope te taioraa, e parau te taata taio : O te Parau ïa a te Atua.)

Alleluia. Alleluia. Ua haere mai Iesu Kirito, te Tamaiti a te Atua mai roto mai i te pape e te toto. Na tona pohe i faa’ora ia tatou . Alleluia.

E aore ra :

Alleluia. Alleluia. O te Atua te matamehai o tei here mai ia tatou :ma te tono mai i tana iho Tamaiti ; Ietu o tei faahau ia tatou ma te pùpù iana iho no ta tatou mau hara .Alleluia.

† A taio tatou i te Evanelia a Ioane Peata                                                                                   19, 31-37
No pohe noa’tura Iesu. 1931.’E, no te mea e mahana faaneheneheraa, ua haere atura te Ati-Iuda e ani ia Pilato ia ofatihia te avae o te mau taata i faatataurohia ra, ’e ia iriti-’ē-hia to ratou tino, eiaha taua mau tino ra ia vai noa i nia i te tatauro i te sabati - e oroa rahi hoi taua sabati ra - 32.ua haere maira te mau faehau, ’e ua ofati ihora i te avae o te hoe ’e i to te tahi hoi o na taata i faatataurohia ’e o Iesu ra. 33.Ia tae rā ratou ia Iesu, ite atura ratou e, ua pohe oia ; aita atura ratou i ofati i tōna pu’e avae. 34.Ua patia atura rā te hoe o taua mau faehau ra i tana aoao i te mahae, ’e, i reira ihora, tahe maira te toto ’e te pape. 35.’E te taata i ite mata i te reira, nana atoa ïa i faaite mai ; ’e tāna parau faaiteraa, e parau mau ïa. ’E ua ite Oia e, e parau mau ta taua taata i faaite mai ra, ia faaroo atoa outou. 36.Ua tupu te reira ia ti’a te parau i papaihia ra : « E ore te hoe a’e ivi nona e ofatihia », 37.’e teie atoa hoi parau : « E ite ratou iana ta ratou i patia ra. »