1er dimanche de l'Avent

TE DOMINIKA 1 NO TE TAU AVENETE

TAIORAA MATAMUA
                                                             « E faatupu au i roto ia Davida i te ohi o te parautia »
A taio tatou i te puta a Ieremia peropheta    33, 14-16

Te haere maira te mau mahana, naô maira te Fatu, e faatupu ai au i te parau maitai ta’u i parau i te utuafare o Iseraela, i te utuafare o Iuda. I te reira mau mahana, e i te reira anotau, e faatupu au i roto ia Davida i te ohi o te parautia ; e e haapao oia i te parau au e te parautia i te fenua nei.I te reira mau mahana e faaora hia o Iuda, e e parahi Ierusalema ma te peapea ore ; e teie ïa te ioa ta ratou e mairi iana : « o te Fatu, to tatou parautia. »

     - O te Parau ïa a te Atua.

SALAMO                     24, 4b-5ab, 8-9, 10.14
R/ Te faateitei nei au i to’u varua ia oe na, e te Fatu e.
A faaite mai oe ia’u i to oe êâ, e te Fatu e,
a aratai oe ia’u i roto i te parau mau a oe ra,
e a haapii mai ia’u,
o oe hoi te Atua no to’u ora.

E parautia te Fatu e e maru hoi,
e faatittiaifaro oia i te haerea a te feia hara ;
e aratai oia i te feia rii haehaa na te êâ o te parautia,
e e haapii oia i tona êâ i te feia ati ra.

Te mau haerea’toa o te Fatu ra, e here anae ïa e e parau-mau,
o te aroha e te parau mau te haerea o te Fatu no te feia i haapao
 [i tana parau-faaau e tana mau faaueraa.
Te parau-moe a te Fatu ra, tei te feia ïa i mataû iana ra,
e tana parau-faaau atoa ra hoi, ia noaa mai ia to ratou ite.

TAIORAA PITI
                                                          « Que le Seigneur affermisse vos cœurs lors de la venue de notre Seigneur Jésus » 
A taio tatou i te epitore matamua a Pauro peata i to Tesalonia    3, 12 - 4, 2

E au mau taeae e, ia faatupu ā te Fatu ’e ia faarahi ā i to outou here te tahi i te tahi ’e i to outou here i te taata atoa, ia au i tō’u here ia outou na. E, ia haere mai to tatou Fatu o Iesu-Kirito ’e tōna atoa ra feia mo’a, ua haamauhia ïa to outou mafatu i roto i te mo’araa hapa ore, i mua i te Atua to tatou Metua.I teienei rā, e te mau taeae e, teie ta matou e ani atu nei ia outou ’e e a’o nei i roto i te Fatu ra o Iesu-Kirito. Ua haapiihia a’enei outou e matou e nafea outou ia mauruuru te Atua ia outou, ’e te na reira nei hoi outou, ia rahi atu ā rā to outou maitai e ti’a ai. Ua ite hoi outou i te mau haapiiraa ta matou i tuu atu ia outou, i te i’oa o te Fatu ra o Iesu.

- O te Parau ïa a te Atua.

ALLELUIA
Alleluia. Alleluia.
Faaite mai ia matou, e te Fatu e, i to oe aroha :    Sal 84, 8
ia itea ia matou te mahana o te ora.
Alleluia.

EVANELIA
                                            « Ua fatata roa hoi ïa to outou ora »
X A taio tatou i te Evanelia a Luka peata   21, 25-28.34-36

I taua anotau ra, te parau rā Iesu i tāna mau pipi no tōna hoira mai, ’e ua naō atura : “E itehia te tapao i nia i te mahana ’e i nia i te ava’e ’e te mau fetia ; i nia i te fenua nei e ahoaho te mau nunaa, ’e e hepohepo i te ahuru o te miti ’e i te fetoitoi hoi o te miti. E tarapape tea au o te taata i te mata’u i te manaora’a i te mau ati e iri mai i nia i te ao nei, no te mea e ueuehia te mau mana o te ra’i. Ei reira ratou e ite ai i te Tamaiti a te taata i te haereraa mai i roto i te Atua ma te mana rahi ’e te hanahana rahi ’’. “Ia haamata taua mau ohipa ra i te tupu, e nānā to outou mata i nia, ’e e faateitei to outou upoo, ua fatata roa hoi ïa to outou ora.’’ “E hara outou, ’o te teimaha to outou mau mafatu i te rahi o te arearearaa, i te inu ’ava ’e i te mau manaonao o te oraraa nei, ’e ’o te roohia-taue-noa-hia outou e taua mahana ra. Inaha hoi, e roohia te taatoaraa o te taata i nia i te aro’a o te fenua nei e taua mahana ra, mai te mea ra e, ua mau i roto i te ’upe’a. E ara noa rā outou ’e e pure tuu-tuu ore noa, ia au mau ā outou i te ora i taua mau mea atoa e tae mai nei, ’e ia ti’a atu outou i mua i te Tamaiti a te taata’’.

     - Haapopou tatou i te Parau a te Atua.