Noël - Messe de l'aurore

25 no TITEMA

TE FANAURAA HIA O TE FATU

Oro’a hanahana

I TE PURE TUTIA I TE AAHIATA

A taio tatou i te puta a Isaïa peropheta (62, 11-12)

Inaha ua faaite te Fatu e tae noa’tu i te hopea o te fenua ra i teie : A parau outou i te tamahine a Siona ra : inaha, te haere maira to Faaora ; inaha te iana tana utua, e tana ohipa te i mua iana. E parau hia ratou e, o te feia moâ ïa, o tei faaora hia e te Fatu. O oe râ e parau hia ïa e : o te oire hinaaro hia ; eiaha râ : o tei faarue hia. - O te Parau ïa a te Atua.

SALAMO 96 (97.), 1.6, 11-12

Te i te Fatu te hau ! Ia rearea te fenua nei,
E ia oâoâ te mau motu e raverahi !
Te faaite mai te mau rai i te parautia nana,
e ua ite te taata’toa i tona hanahana.

Ua hiti mai te maramarama i te feia parautia ra,
E te oâoâ i te feia i tia te mafatu ra.
A oâoâ i te Fatu, e te feia parautia e,
a haamaitai i te manaoraa i tona ra moâraa.

A taio tatou i te epitore a Paulo peata ia Tito (3, 4-7)

E here e, i te mahana rā i pā mai ai te hamani maitai o te Atua, to tatou Faaroa, ’e tōna here i te taata nei, ua faaora mai oia ia tatou, eiaha i te mana o te mau ohipa i ravehia e tatou ma te parautia, i te mana ra o tōna aroha, na roto i te hopuraa pape e fanau-faahou-hia ai te taata ’e e faaapi-faahou-hia ai oia e te Varua-Maitai. Ua ninii hua mai oia i taua Varua ra i nia ia tatou, na roto i to tatou Faaora o Iesu-Kirito, ia riro tatou ei taata parautia i te mana o tāna karatia ’e ei taata ’āi’a hoi, i te mea e, ua noaa ia tatou te tiaturiraa i te ora mure ore. - O te Parau ïa a te Atua.

ALLELUIA (Luk 2, 14)

Ei hanahana i te Atua i te ra'i teitei ra, ea hau i te fenua nei i te feia herehia e ana !

A taio tatou i te evanelia a Luka peata (2, 15-20)

’E, ia reva atura taua mau melahi ra i te ra’i, ua parau ihora taua mau tiai mamoe ra ratou iho : “Mai haere tatou i Betelehema ! Ia hio tatou i te ohipa i tupu a’enei, o ta te Fatu i faaite mai nei ia tatou” Peepee atura ratou i te haere, ’e ua ite ratou ia Maria ’e ia Iosepha i to ratou iteraa iana, ua faatia ratou i te parau i faaitehia mai ia ratou e te melahi no taua tamaiti iti ra. E te feia atoa i faaroo ia ratou, maere anae ihora ïa i tei parauhia mai e te mau tiai mamoe. O Maria rā, tapea maite ihora oia i taua mau parau atoa ra, ma te feruri i roto i tōna mafatu. Hoi atura te mau tiai mamoe ma te faateitei i te Atua ’e te arue iana, no te mau mea ta ratou i faaroo ’e i ite ; ua au mau ā hoi i tei faaitehia mai na ia ratou. - Haapopou tatou i te Parau a te Atua.